ՆԱՐԻՆԷ ՆԵՐՍԻՍՅԱՆ

Երկու հատվող բուրգերից ծնվում է Նորը

Tag: առաջատար մասնագետ

Գլխավոր

ՆարինԷ Ներսիսյան

ՆարինԷ Ներսիսյան

Զույգային հարաբերությունների բժիշկ, սեքսոլոգ, հոգեթերապևտ, ԼԳԲՏ խորհրդատու, սեռական դաստիարակության փորձագետ, դասախոս, հետազոտող

Ողջույն

Ուրախ եմ այս տիրույթում ընթերցողի ուշադրությանը ներկայացնել բազմամյա աշխատանքային գործունեությանս պտուղները և կիսվել մասնագիտական փորձառության ձեռքբերումներով՝ հետամուտ լինելով օգնել բոլոր նրանց, ովքեր ունեն սեռական առողջության, հարաբերություների և ամուսնական ներդաշնակության հետ կապված խնդիրներ՝ ոչ լիարժեք սեռական կյանք, զույգային հաղորդակցման դժվարություններ, ընտանեկան կյանքում հարաբերությունների ու շփման դժվարություններ, սեռական հարաբերության իրականացման խանգարումներ, սեռական հակման անհանգստություններ՝ կապված «սխալ սեռի» և տարիքի զուգընկերոջ հանդեպ սեռական գրավչությամբ, սեռային ինքնության հաստատման ձախողումներ, սեռական բարդույթներ, կաշկանդվածություն, ձանձրույթ, դավաճանության հետևանքով զուգընկերոջ կորստի վտանգ, ընտանիքը պահպանելու հուսահատություն, անպտուղ ամուսնություն:

Չնայած սեռական առողջության հետ կապված խնդիրների բազմազանությանը, որը պայմանավորված է մարդու սեռականության համընդգրկուն բնույթով՝ սկսած սոցիալ-մշակութային արժեքներից, կրոնա-քաղաքական մոտեցումներից, հոգեկան ոլորտի բարձրագույն կարգավորիչներից մինչև բջջաթաղանթում տեղակայված պրոտեինների բիոքիմիական տրանսֆիգուրացիաներ, վստահեցնում եմ, որ ճիշտ մոտեցման պարագայում բոլոր վերոնշյալ խնդիրները ԼՈՒԾԵԼԻ ԵՆ։

Սեքսոլոգիան բժշկության միակ բացառիկ մասնագիտությունն է, որտեղ օգնության դիմողին «հիվանդ» չեն անվանում գուցե այն պատճառով, որ սեռական խնդիր ունեցող մարդն ավելի հիմնարար հարցադրման առջև է կանգնած, քան միայն սեռական ֆիզիոլոգիայի վերականգնումը։ էրոտիկ-սեքսուալը մարդկային էության այն ոլորտն է, որտեղ ծնվում են բազմաթիվ հարցեր կապված մարդկային ինքնության հետ։ Կենդանին իր բնազդի կույր կրողն է և դրա բավարարումը որևէ հարց չի առաջացնում, նրան չի հուզում՝ «ո՞վ եմ ես» հարցը, մինչդեռ Մարդու սեռականությունը հենց այդ հարցադրման պատասխանին տանող կարևոր անցումային ու, թերևս, ամենավերջին օղակն է, որին հետևում է ներդաշնակության ու խաղաղ հարաբերությունների հաստատումը՝ սեռական առողջացմամբ ու ինքնադրսևորմամբ։

Իմ մասին

Բժշկական խորհրդատվության գրանցում

Բժշկական խորհրդատվությունը բժիշկ-սեքսոլոգի հետ անհատական հանդիպում է: Այն տևում է 50 րոպե, որի ընթացքում բժիշկը զրույցի և ուղղորդող հարցերի օգնությամբ վեր է հանում առկա խնդիրը, պարզում անհրաժեշտ հետազոտությունները, հստակեցնում խնդրի կարգավորման ուղիները և բուժման հետագա ռազմավարությունը: Բժշկական խորհրդատվությունն անհրաժեշտության դեպքում իրականացվում է զույգի հետ համատեղ: Խստագույնս պահպանվում է բժշկական գաղտնիությունը:

Բժշկական խորհրդատվությունն իրականացվում է հետևյալ խնդիրների առկայության դեպքում.

Կանանց սեքսուալ խնդիրներ` վագինիզմ (ներթափանցման խանգարում), անօրգազմիա, ցավ սեռական հարաբերության ժամանակ, սեռական ցանկության նվազում կամ բացակայություն, սեռական բավարարման խանգարում:

Տղամարդկանց սեքսուալ խնդիրներ` էրեկցիայի խանգարում (պոտենցիայի նվազում, սեռական թուլություն), վաղաժամ և ուշացած սերմնաժայթքում, սեռական ցանկության նվազում կամ բացակայություն:

Ինչպես նաև` ամունական զույգի սեռական աններդաշնակություն, սեռական խանգարումներ` պայմանավորված նևրոտիկ և որոշ փսիխոտիկ խանգարումներով, սեռավարակներով, բորբոքումներով և այլն:

Խորհրդատվական այցը կատարվում է նախապես ձեռք բերված պայմանավորվածության համաձայն:

Պայմանավորվելու համար կարող եք զանգահարել 099-53-28-23 հեռախոսահամարով կամ խնդրի համառոտ նկարագրությամբ ուղարկել նամակ:






© 2017 | ՆարինԷ Ներսիսյան | Բոլոր իրավունքները պաշտպանված են |

Besucherzahler
счетчик посещений